Subscribe to our newsletter and get our newest updates

Kaifi Azmi

  • Ghazal


suna karo meri jaan in se un se afsane


sunā karo mirī jaañ in se un se afsāne
sab ajnabī haiñ yahāñ kaun kis ko pahchāne

yahāñ se jald guzar jaao qāfile vaalo
haiñ merī pyaas ke phūñke hue ye vīrāne

mire junūn-e-parastish se tañg aa ga.e log
sunā hai band kiye jā rahe haiñ but-ḳhāne

jahāñ se pichhle pahar koī tishna-kām uThā
vahīñ pe toḌe haiñ yāroñ ne aaj paimāne

bahār aa.e to merā salām kah denā
mujhe to aaj talab kar liyā hai sahrā ne

huā hai hukm ki 'kaifī' ko sañgsār karo
masīh baiThe haiñ chhup ke kahāñ ḳhudā jaane

suna karo meri jaan in se un se afsane
sab ajnabi hain yahan kaun kis ko pahchane

yahan se jald guzar jao qafile walo
hain meri pyas ke phunke hue ye virane

mere junun-e-parastish se tang aa gae log
suna hai band kiye ja rahe hain but-KHane

jahan se pichhle pahar koi tishna-kaam uTha
wahin pe toDe hain yaron ne aaj paimane

bahaar aae to mera salam kah dena
mujhe to aaj talab kar liya hai sahra ne

hua hai hukm ki 'kaifi' ko sangsar karo
masih baiThe hain chhup ke kahan KHuda jaane

Videos
This video is playing from YouTube Videos
This video is playing from YouTube Rita Ganguly Kaifi Azmi RECITATIONS Nomaan Shauque



00:00/00:00 suna karo meri jaan in se un se afsane Nomaan Shauque

Source: Book : Kitab-e-Rafta (Pg. 88) Author : Firasat Rizvi Publication : Academy Bazyaft, Karachi Pakistan (2007) Edition : 2007

Leave a comment

+