shor-e-atash jo phūloñ kī har anjuman meñ hai
kaifiyyat-e-bahār kī shiddat chaman meñ hai

faiz-e-nasīm se haiñ khile gul ravish ravish
firdaus kī bahār hamāre chaman meñ hai

vo kaifiyat kahāñ hai mai-e-nau-kashīd meñ
jo lutf jo mazā ki sharāb-e-kuhan meñ hai

shahnāz-e-gul batā de zarā ahl-e-shauq ko
ḳhushbū ye kis badan kī tire pairahan meñ hai

'sāhir' ke faiz-o-lutf se kah letā hai ġhazal
ab 'rāz' kā shumār bhī ahl-e-suḳhan meñ hai

shor-e-atash jo phulon ki har anjuman mein hai
kaifiyyat-e-bahaar ki shiddat chaman mein hai

faiz-e-nasim se hain khile gul rawish rawish
firdaus ki bahaar hamare chaman mein hai

wo kaifiyat kahan hai mai-e-nau-kashid mein
jo lutf jo maza ki sharab-e-kuhan mein hai

shahnaz-e-gul bata de zara ahl-e-shauq ko
KHushbu ye kis badan ki tere pairahan mein hai

'sahir' ke faiz-o-lutf se kah leta hai ghazal
ab 'raaz' ka shumar bhi ahl-e-suKHan mein hai