khulī lāshoñ kā qabristān ban ke
bahut chup hai zamīñ vīrān ban ke

sharīk-e-majlis-e-darvesh ho kar
tire dar jā.eñge mehmān ban ke

hai ye ḳhuuñ kī nadī taḳhlīq terī
kahāñ tū chal diyā anjān ban ke

yahāñ par aag hai merī lagā.ī
ki huuñ sharminda maiñ insān ban ke

khuli lashon ka qabristan ban ke
bahut chup hai zamin viran ban ke

sharik-e-majlis-e-darwesh ho kar
tere dar jaenge mehman ban ke

hai ye KHun ki nadi taKHliq teri
kahan tu chal diya anjaan ban ke

yahan par aag hai meri lagai
ki hun sharminda main insan ban ke