Subscribe to our newsletter and get our newest updates

Ejaz Quraishi

  • Ghazal


jaane aisi Than kar baiTha hai kya mere liye


jaane aisī Thaan kar baiThā hai kyā mere liye
aaj māñge jā rahā hai vo duā mere liye

muztarib dil ko mire ārām aa hī jā.egā
kījiye tajvīz koī to davā mere liye

merī qismat meñ to likkhe haiñ ġhamoñ ke silsile
ḳhush rahā kar tū na apnā dil dukhā mere liye

husn kī tābāniyoñ ko maiñ bhī to dekhūñ zarā
tū ruḳh-e-zebā se ye parda haTā mere liye

bhuul jaatā huuñ sabhī kuchh yaad rahtā kuchh nahīñ
ban gayā hai ek ye bhī mas.ala mere liye

hijr aañsū mai-kashī rañj-o-alam āh-o-fuġhāñ
yā-ilāhī kyā yahī kuchh rah gayā mere liye

sañg-dil mash.hūr thā jo shahr bhar meñ dosto
mujh ko hairat hai ki vo bhī ro paḌā mere liye

ye qayāmat ke mujhe āsār lagte haiñ miyāñ
chalte chalte vo achānak ruk gayā mere liye

tañgī-e-dāman se maiñ 'ejāz' ghabrāyā nahīñ
khol degā aur darvāze ḳhudā mere liye

aaj saaqī dekh kar 'ejāz' merī tishnagī
jām-o-sāġhar le ke ghar meñ aa gayā mere liye

jaane aisi Than kar baiTha hai kya mere liye
aaj mange ja raha hai wo dua mere liye

muztarib dil ko mere aaram aa hi jaega
kijiye tajwiz koi to dawa mere liye

meri qismat mein to likkhe hain ghamon ke silsile
KHush raha kar tu na apna dil dukha mere liye

husn ki tabaniyon ko main bhi to dekhun zara
tu ruKH-e-zeba se ye parda haTa mere liye

bhul jata hun sabhi kuchh yaad rahta kuchh nahin
ban gaya hai ek ye bhi masala mere liye

hijr aansu mai-kashi ranj-o-alam aah-o-fughan
ya-ilahi kya yahi kuchh rah gaya mere liye

sang-dil mashhur tha jo shahr bhar mein dosto
mujh ko hairat hai ki wo bhi ro paDa mere liye

ye qayamat ke mujhe aasar lagte hain miyan
chalte chalte wo achanak ruk gaya mere liye

tangi-e-daman se main 'ejaz' ghabraya nahin
khol dega aur darwaze KHuda mere liye

aaj saqi dekh kar 'ejaz' meri tishnagi
jam-o-saghar le ke ghar mein aa gaya mere liye


Source: Barg-e-Zard

Leave a comment

+