dil koī ā.īna nahīñ TuuT ke rah gayā to phir
Thiik hī kah rahe ho tum Thiik na ho sakā to phir

us ko bhulāne lag ga.e is meñ zamāne lag ga.e
ba.ad meñ yaad aa gayā vo koī aur thā to phir

phuul hai jo kitāb meñ asl hai ki ḳhvāb hai
us ne is iztirāb meñ kuchh na paḌhā likhā to phir

rāste ajnabī se the peḌ the so kisī ke the
ye koī sochtā to kyuuñ aur koī sochtā to phir

ab use ḳhvāb jaan ke so raho lambī taan ke
yaad na aa sakā to kyā yaad bhī aa gayā to phir

dil koi aaina nahin TuT ke rah gaya to phir
Thik hi kah rahe ho tum Thik na ho saka to phir

us ko bhulane lag gae is mein zamane lag gae
baad mein yaad aa gaya wo koi aur tha to phir

phul hai jo kitab mein asl hai ki KHwab hai
us ne is iztirab mein kuchh na paDha likha to phir

raste ajnabi se the peD the so kisi ke the
ye koi sochta to kyun aur koi sochta to phir

ab use KHwab jaan ke so raho lambi tan ke
yaad na aa saka to kya yaad bhi aa gaya to phir

Source: Book : Teksaal (Pg. 64) Author : Tafzeel Ahmad Publication : kasauti Publication (2016) Edition : 2016