Subscribe to our newsletter and get our newest updates

Baqaullah Baqa

  • Ghazal


jo chashm-o-dil se chaDha dun nale ba-ab-e-awwal dowam-ba-atish


jo chashm-o-dil se chaḌhā duuñ naale ba-āb-e-avval dovam-ba-ātish
to māh-o-ḳhur ke bharūñ pyāle ba-āb-e-avval dovam-ba-ātish

jo chashm rove to dil bhī aahoñ meñ merī laḳht-e-jigar pirove
jape vo sumran tirī ye maale ba-āb-e-avval dovam-ba-ātish

jo koī turbat pe merī guzre to tāb-e-ashk-o-tab-e-fuġhāñ se
paḌeñ do har har qadam pe chhāle ba-āb-e-avval dovam-ba-ātish

jo āh-e-pechāñ se ashk shab ko falak pe gardish-kunāñ chaḌhegā
to gird-e-mah do paḌeñge haale ba-āb-e-avval dovam-ba-ātish

sarishk-o-āh ab ye be-asar haiñ ki jā falak tak shab-e-judā.ī
dar-e-asar par ye de haiñ taale ba-āb-e-avval dovam-ba-ātish

mabād furqat meñ chashm-o-dil kī ye ashk-rezī aur āh-ḳhezī
balā-e-nāgah jahāñ pe Daale ba-āb-e-avval dovam-ba-ātish

falak se devoñ kī tarah us bin sarishk-o-āh-e-'baqā' se ab to
chaḌhe haiñ laḌne ko do risāle ba-āb-e-avval dovam-ba-ātish

jo chashm-o-dil se chaDha dun nale ba-ab-e-awwal dowam-ba-atish
to mah-o-KHur ke bharun pyale ba-ab-e-awwal dowam-ba-atish

jo chashm rowe to dil bhi aahon mein meri laKHt-e-jigar pirowe
jape wo sumran teri ye male ba-ab-e-awwal dowam-ba-atish

jo koi turbat pe meri guzre to tab-e-ashk-o-tab-e-fughan se
paDen do har har qadam pe chhaale ba-ab-e-awwal dowam-ba-atish

jo aah-e-pechan se ashk shab ko falak pe gardish-kunan chaDhega
to gird-e-mah do paDenge haale ba-ab-e-awwal dowam-ba-atish

sarishk-o-ah ab ye be-asar hain ki ja falak tak shab-e-judai
dar-e-asar par ye de hain tale ba-ab-e-awwal dowam-ba-atish

mabaad furqat mein chashm-o-dil ki ye ashk-rezi aur aah-KHezi
bala-e-nagah jahan pe Dale ba-ab-e-awwal dowam-ba-atish

falak se dewon ki tarah us bin sarishk-o-ah-e-'baqa' se ab to
chaDhe hain laDne ko do risale ba-ab-e-awwal dowam-ba-atish


Source: Rooh-e-Ghazal,Pachas Sala Intekhab

Leave a comment

+