baat kuchh bhī na thī fasāna huā
merī rusvā.ī kā bahāna huā

thī ye ḳhvāhish kaheñge sab kuchh ham
un ke aage to lab bhī vā na huā

roz aatī hai ik na.ī aafat
dil mirā jab se āshiqāna huā

kyuuñ taḌaptā hai phir dil-e-muztar
kis balā kā ye phir nishāna huā

tū ne chhoḌā hai saath jab se nadīm
haa.e dushman mirā zamāna huā

mar hī jaanā thā ham ko to ik roz
un kī furqat magar bahāna huā

aaj kahte haiñ bāñdh kar gaThrī
ġham kī 'maġhmūm' phir ravāna huā

baat kuchh bhi na thi fasana hua
meri ruswai ka bahana hua

thi ye KHwahish kahenge sab kuchh hum
un ke aage to lab bhi wa na hua

roz aati hai ek nai aafat
dil mera jab se aashiqana hua

kyun taDapta hai phir dil-e-muztar
kis bala ka ye phir nishana hua

tu ne chhoDa hai sath jab se nadim
hae dushman mera zamana hua

mar hi jaana tha hum ko to ek roz
un ki furqat magar bahana hua

aaj kahte hain bandh kar gaThri
gham ki 'maghmum' phir rawana hua