Subscribe to our newsletter and get our newest updates

Dil Shahjahanpuri

  • Ghazal


ab koi gham-gusar hamara nahin raha


ab koī ġham-gusār hamārā nahīñ rahā
duniyā ko e'tibār hamārā nahīñ rahā

is fart-e-ġham meñ ḳhuun ke aañsū Tapak paḌe
ab dil bhī rāzdār hamārā nahīñ rahā

us kī huzūr pīr-e-muġhāñ meñ hai manzilat
jo ahd-e-pā.edār hamārā nahīñ rahā

har daaġh ubhar ke zaḳhm banā zaḳhm rashk-e-gul
dil mā.il-e-bahār hamārā nahīñ rahā

ye hai ma.āl-e-sohbat-e-zāhid janāb-e-dil
rindoñ meñ ab shumār hamārā nahīñ rahā

ab koi gham-gusar hamara nahin raha
duniya ko e'tibar hamara nahin raha

is fart-e-gham mein KHun ke aansu Tapak paDe
ab dil bhi raazdar hamara nahin raha

us ki huzur pir-e-mughan mein hai manzilat
jo ahd-e-paedar hamara nahin raha

har dagh ubhar ke zaKHm bana zaKHm rashk-e-gul
dil mail-e-bahaar hamara nahin raha

ye hai maal-e-sohbat-e-zahid janab-e-dil
rindon mein ab shumar hamara nahin raha


Leave a comment

+