mausam-e-gul bahār ke din the
jo tire mere pyaar ke din the

jo tire intizār meñ guzre
bas vahī intizār ke din the

jo bahut be-qarār rakhte the
haañ vahī to qarār ke din the

jin dinoñ dil pe iḳhtiyār na thā
kyā vahī iḳhtiyār ke din the

the muqayyad tirī mohabbat meñ
zindagī se farār ke din the

mausam-e-gul bahaar ke din the
jo tere mere pyar ke din the

jo tere intizar mein guzre
bas wahi intizar ke din the

jo bahut be-qarar rakhte the
han wahi to qarar ke din the

jin dinon dil pe iKHtiyar na tha
kya wahi iKHtiyar ke din the

the muqayyad teri mohabbat mein
zindagi se farar ke din the

84"