baat bas se nikal chalī hai
dil kī hālat sambhal chalī hai

ab junūñ had se baḌh chalā hai
ab tabī.at bahal chalī hai

ashk ḳhūnāb ho chale haiñ
ġham kī rañgat badal chalī hai

yā yūñhī bujh rahī haiñ sham.eñ
yā shab-e-hijr Tal chalī hai

laakh paiġhām ho ga.e haiñ
jab sabā ek pal chalī hai

jaao ab so raho sitāro
dard kī raat Dhal chalī hai

baat bas se nikal chali hai
dil ki haalat sambhal chali hai

ab junun had se baDh chala hai
ab tabiat bahal chali hai

ashk KHunab ho chale hain
gham ki rangat badal chali hai

ya yunhi bujh rahi hain shamen
ya shab-e-hijr Tal chali hai

lakh paigham ho gae hain
jab saba ek pal chali hai

jao ab so raho sitaro
dard ki raat Dhal chali hai