Subscribe to our newsletter and get our newest updates

Badnam Nazar

  • Ghazal


Tapakte shoalon ki barsat mein nahaunga


Tapakte sho.aloñ kī barsāt meñ nahā.ūñgā
ab aa gayā huuñ to is shahar se na jā.ūñgā

kashish hai ghar meñ na bāhar kī raunaqeñ baaqī
yūñhī rahā to kahāñ jā ke muskurā.ūñgā

ye giilī giilī sī ḳhushbū ye narm narm nigāh
tumhāre paas rahā maiñ to bhiig jā.ūñgā

basā sako to basā lo mujhe ḳhayāloñ meñ
ki is dayār meñ dobāra maiñ na ā.ūñgā

qadam sameT ke chalnā bhī siikh jāoge
tumheñ maiñ gaañv kī pagDañDiyāñ dikhā.ūñgā

chalā thā DhūñDne maiñ zindagī kī buniyādeñ
pata na thā ki ḳhud apnā pata na pā.ūñgā

na hūñgā maiñ to mirī dāstān hogī 'nazar'
zamīñ pe dhuup kī sūrat maiñ phail jā.ūñgā

Tapakte shoalon ki barsat mein nahaunga
ab aa gaya hun to is shahar se na jaunga

kashish hai ghar mein na bahar ki raunaqen baqi
yunhi raha to kahan ja ke muskuraunga

ye gili gili si KHushbu ye narm narm nigah
tumhaare pas raha main to bhig jaunga

basa sako to basa lo mujhe KHayalon mein
ki is dayar mein dobara main na aaunga

qadam sameT ke chalna bhi sikh jaoge
tumhein main ganw ki pagDanDiyan dikhaunga

chala tha DhunDne main zindagi ki buniyaaden
pata na tha ki KHud apna pata na paunga

na hunga main to meri dastan hogi 'nazar'
zamin pe dhup ki surat main phail jaunga


Leave a comment

+