Subscribe to our newsletter and get our newest updates

Fani Badayuni

  • Ghazal


maya-e-naz-e-raaz hain hum log


māya-e-nāz-e-rāz haiñ ham log
mahram-e-rāz-e-nāz haiñ ham log

bazm-e-dil meñ diyā na aish ko baar
sāhib-e-imtiyāz haiñ ham log

ham se miltī hai barq-e-tūr ko daad
vo tabassum-navāz haiñ ham log

aql aajiz hai be-ḳhabar hai hosh
chashm-e-bad-dūr raaz haiñ ham log

hashr-e-ummīd se murād haiñ ham
gila-hā-e-darāz haiñ ham log

terī nāz-āfrīniyāñ haiñ gavāh
ki sarāpā niyāz haiñ ham log

husn be-jalva kuchh sahī 'fānī'
jalva-e-jalva-sāz haiñ ham log

maya-e-naz-e-raaz hain hum log
mahram-e-raaz-e-naz hain hum log

bazm-e-dil mein diya na aish ko bar
sahib-e-imtiyaz hain hum log

hum se milti hai barq-e-tur ko dad
wo tabassum-nawaz hain hum log

aql aajiz hai be-KHabar hai hosh
chashm-e-bad-dur raaz hain hum log

hashr-e-ummid se murad hain hum
gila-ha-e-daraaz hain hum log

teri naz-afriniyan hain gawah
ki sarapa niyaz hain hum log

husn be-jalwa kuchh sahi 'fani'
jalwa-e-jalwa-saz hain hum log

RECITATIONS Nomaan Shauque



00:00/00:00 maya-e-naz-e-raaz hain hum log Nomaan Shauque

Leave a comment

+