justujū ke safar meñ rahte haiñ
ham ki paiham ḳhabar meñ rahte haiñ
ham ko kis kī nazar meñ rahnā thā
aur us kī nazar meñ rahte haiñ
aarzū tum hamārī mat karnā
ham duā ke asar meñ rahte haiñ
ham-navā apnā koī ban na sakā
yuuñ to paiham safar meñ rahte haiñ
kal talak the charāġh-e-rāhguzar
bujh ga.e ham to ghar meñ rahte haiñ
juḌ rahī hai amal se ye duniyā
ham agar aur magar meñ rahte haiñ
aib kyūñkar hoñ be-hunar meñ 'obaid'
aib to bā-hunar meñ rahte haiñ
justuju ke safar mein rahte hain
hum ki paiham KHabar mein rahte hain
hum ko kis ki nazar mein rahna tha
aur us ki nazar mein rahte hain
aarzu tum hamari mat karna
hum dua ke asar mein rahte hain
ham-nawa apna koi ban na saka
yun to paiham safar mein rahte hain
kal talak the charagh-e-rahguzar
bujh gae hum to ghar mein rahte hain
juD rahi hai amal se ye duniya
hum agar aur magar mein rahte hain
aib kyunkar hon be-hunar mein 'obaid'
aib to ba-hunar mein rahte hain
Leave a comment