Subscribe to our newsletter and get our newest updates

Haidar Ali Aatish

  • Ghazal


aashiq hun main nafrat hai mere rang ko ru se


āshiq huuñ maiñ nafrat hai mire rañg ko rū se
paivand nahīñ chaak garebāñ ko rafū se

dāman mire qātil kā na rañgīñ ho lahū se
har-chand ki nazdīk ho rag-ha-e-gulū se

gulzār-e-jahāñ par na paḌī aañkh hamārī
kotāh thī umr apnī habāb-e-lab-e-jū se

kartā hai vo saffāk ḳhat-e-shauq ke purze
mehñdī malī jaatī hai kabūtar ke lahū se

āshiq huuñ magar karte haiñ māshūq ḳhushāmad
nāzuk hai tabī.at mirī bīmār kī ḳhū se

aashiq hun main nafrat hai mere rang ko ru se
paiwand nahin chaak gareban ko rafu se

daman mere qatil ka na rangin ho lahu se
har-chand ki nazdik ho rag-ha-e-gulu se

gulzar-e-jahan par na paDi aankh hamari
kotah thi umr apni habab-e-lab-e-ju se

karta hai wo saffak KHat-e-shauq ke purze
mehndi mali jati hai kabutar ke lahu se

aashiq hun magar karte hain mashuq KHushamad
nazuk hai tabiat meri bimar ki KHu se


Leave a comment

+