is shahr-e-ḳharābī meñ ġham-e-ishq ke maare
zinda haiñ yahī baat baḌī baat hai pyāre

ye hañstā huā chāñd ye pur-nūr sitāre
tābinda o pā.inda haiñ zarroñ ke sahāre

hasrat hai koī ġhuncha hameñ pyaar se dekhe
armāñ hai koī phuul hameñ dil se pukāre

har sub.h mirī sub.h pe rotī rahī shabnam
har raat mirī raat pe hañste rahe taare

kuchh aur bhī haiñ kaam hameñ ai ġham-e-jānāñ
kab tak koī uljhī huī zulfoñ ko sañvāre

is shahr-e-KHarabi mein gham-e-ishq ke mare
zinda hain yahi baat baDi baat hai pyare

ye hansta hua chand ye pur-nur sitare
tabinda o painda hain zarron ke sahaare

hasrat hai koi ghuncha hamein pyar se dekhe
arman hai koi phul hamein dil se pukare

har subh meri subh pe roti rahi shabnam
har raat meri raat pe hanste rahe tare

kuchh aur bhi hain kaam hamein ai gham-e-jaanan
kab tak koi uljhi hui zulfon ko sanware

Source: Book : Kulliyat-e-Hafeez Jalandhari (Pg. 410)