ab vafā kā subūt kyā duuñ maiñ
saarī duniyā kaho bhulā duuñ maiñ

maiñ ne apnoñ se duur jaanā hai
zindagī aa tujhe sulā duuñ maiñ

ik tirī zid na TūTne paa.ī
varna to arsh tak hilā duuñ maiñ

tum mujhe maut kī duā.eñ do
zindagī kī tujhe duā duuñ maiñ

tum jafāoñ meñ kyā karoge kamī
gar vafā.eñ zarā baḌhā duuñ maiñ

behtarī to isī meñ hai 'shākir'
dil se maazī ko ab miTā duuñ maiñ

ab wafa ka subut kya dun main
sari duniya kaho bhula dun main

main ne apnon se dur jaana hai
zindagi aa tujhe sula dun main

ek teri zid na TuTne pai
warna to arsh tak hila dun main

tum mujhe maut ki duaen do
zindagi ki tujhe dua dun main

tum jafaon mein kya karoge kami
gar wafaen zara baDha dun main

behtari to isi mein hai 'shakir'
dil se mazi ko ab miTa dun main