pahle to us kī zaat ġhazal meñ sameT luuñ
phir saarī kā.enāt ġhazal meñ sameT luuñ
hote haiñ rūnumā jo zamāne meñ roz-o-shab
vo saare hādsāt ġhazal meñ sameT luuñ
pahle to maiñ ġhazal meñ kahūñ apne dil kī baat
phir sab ke dil kī baat ġhazal meñ sameT luuñ
koī ḳhayāl zehn se bach kar na jā sake
saare tasavvurāt ġhazal meñ sameT luuñ
maqbūl-e-bārgāh-e-risālat hoñ mere sher
sarmāya-e-najāt ġhazal meñ sameT luuñ
'jauhar' vo baat jis kā ta.alluq ho ziist se
aisī har ek baat ġhazal meñ sameT luuñ
pahle to us ki zat ghazal mein sameT lun
phir sari kaenat ghazal mein sameT lun
hote hain runuma jo zamane mein roz-o-shab
wo sare hadsat ghazal mein sameT lun
pahle to main ghazal mein kahun apne dil ki baat
phir sab ke dil ki baat ghazal mein sameT lun
koi KHayal zehn se bach kar na ja sake
sare tasawwuraat ghazal mein sameT lun
maqbul-e-bargah-e-risalat hon mere sher
sarmaya-e-najat ghazal mein sameT lun
'jauhar' wo baat jis ka talluq ho zist se
aisi har ek baat ghazal mein sameT lun
Leave a comment