jis kī talab meñ umr kā saudā nahīñ huā
us ḳhvāb kā sarāb bhī apnā nahīñ huā

apnī salīb sar pe liye chal rahe haiñ log
shahr-e-sazā meñ koī kisī kā nahīñ huā

kahne ko jī sambhal to gayā hai magar kahīñ
ik dard hai ki jis kā mudāvā nahīñ huā

us ne mire baġhair guzārī hai zindagī
is āgahī kā zahr gavārā nahīñ huā

ab bhī hai mo'tabar to ḳhudā kī atā hai ye
varna vafā ke naam pe kyā kyā nahīñ huā

ai harf-e-bāryāb tirī ḳhair par vo log
jin par dar-e-qubūl kabhī vā nahīñ huā

jis ki talab mein umr ka sauda nahin hua
us KHwab ka sarab bhi apna nahin hua

apni salib sar pe liye chal rahe hain log
shahr-e-saza mein koi kisi ka nahin hua

kahne ko ji sambhal to gaya hai magar kahin
ek dard hai ki jis ka mudawa nahin hua

us ne mere baghair guzari hai zindagi
is aagahi ka zahr gawara nahin hua

ab bhi hai mo'tabar to KHuda ki ata hai ye
warna wafa ke nam pe kya kya nahin hua

ai harf-e-baryab teri KHair par wo log
jin par dar-e-qubul kabhi wa nahin hua

Source: Book : Quarterly TASTEER Lahore (Pg. 168) Author : Naseer Ahmed Nasir Publication : Room No.-1,1st Floor, Awan Plaza, Shadman Market, Lahore (Issue No. 5,6 April To Sep. 1998) Edition : Issue No. 5,6 April To Sep. 1998