Subscribe to our newsletter and get our newest updates

Aazam Khursheed

  • Ghazal


tere honTon pe saja hai kya hai


tere hoñToñ pe sajā hai kyā hai
terā har rañg duā hai kyā hai

tere āñgan meñ luTā hai kyā hai
vo bhī bārish meñ khulā hai kyā hai

rañg chaḌhte haiñ utar jaate haiñ
mausam-e-hijr pata hai kyā hai

log alfāz badal lete haiñ
aur chehroñ pe likhā hai kyā hai

apnī barbād nigāhī ke sitam
ek dar aur khulā hai kyā hai

mere hāthoñ kī lakīroñ pe na jā
tū ne ḳhud hī to likhā hai kyā hai

ḳhud se miltā huuñ bichhaḌ jaatā huuñ
ḳhvāb zanjīr huā hai kyā hai

naddiyāñ ḳhushk huī jaatī haiñ
koī us paar khaḌā hai kyā hai

merī āñkhoñ se qayāmat barse
jo bhī kuchh tū ne diyā hai kyā hai

apne vaqtoñ kī zabāñ boltā huuñ
phir ye bāzār lagā hai kyā hai

merī bastī meñ udāsī kaisī
shahar kī samt chalā hai kyā hai

kitnī ḳhush-posh fazā hai 'ḳhurshīd'
terī āñkhoñ kā nasha hai kyā hai

tere honTon pe saja hai kya hai
tera har rang dua hai kya hai

tere aangan mein luTa hai kya hai
wo bhi barish mein khula hai kya hai

rang chaDhte hain utar jate hain
mausam-e-hijr pata hai kya hai

log alfaz badal lete hain
aur chehron pe likha hai kya hai

apni barbaad nigahi ke sitam
ek dar aur khula hai kya hai

mere hathon ki lakiron pe na ja
tu ne KHud hi to likha hai kya hai

KHud se milta hun bichhaD jata hun
KHwab zanjir hua hai kya hai

naddiyan KHushk hui jati hain
koi us par khaDa hai kya hai

meri aankhon se qayamat barse
jo bhi kuchh tu ne diya hai kya hai

apne waqton ki zaban bolta hun
phir ye bazar laga hai kya hai

meri basti mein udasi kaisi
shahar ki samt chala hai kya hai

kitni KHush-posh faza hai 'KHurshid'
teri aankhon ka nasha hai kya hai


Source: Book : Kulliyat-e-gopal mittal (Pg. 200) Author : Gopal Mittal Publication : Modern Publishing House, Daryaganj New delhi (1994) Edition : 1994

Leave a comment

+