ḳhvāboñ ke sanam-ḳhāne jab Dhaa.e ga.e hoñge
us daur ke sab aazar bulvā.e ga.e hoñge

tū bhī na bachī hogī ai āfiyat-andeshī
har samt se jab patthar barsā.e ga.e hoñge

phir us ne masā.il kā hal DhūñD liyā hogā
phir log masā.il meñ uljhā.e ga.e hoñge

ham guzre ki tum guzre ye dekhne kaun aatā
the jitne tamāshā.ī sab laa.e ga.e hoñge

yārān-e-qadah se kuchh laġhzish bhī huī hogī
dānista bhī kuchh sāġhar chhalkā.e ga.e hoñge

'afzal' kā muqaddar hai haq-goī-o-rusvā.ī
sach baat kahī hogī jhuTlā.e ga.e hoñge

KHwabon ke sanam-KHane jab Dhae gae honge
us daur ke sab aazar bulwae gae honge

tu bhi na bachi hogi ai aafiyat-andeshi
har samt se jab patthar barsae gae honge

phir us ne masail ka hal DhunD liya hoga
phir log masail mein uljhae gae honge

hum guzre ki tum guzre ye dekhne kaun aata
the jitne tamashai sab lae gae honge

yaran-e-qadah se kuchh laghzish bhi hui hogi
danista bhi kuchh saghar chhalkae gae honge

'afzal' ka muqaddar hai haq-goi-o-ruswai
sach baat kahi hogi jhuTlae gae honge