Subscribe to our newsletter and get our newest updates

Ghulam Murtaza Rahi

  • Ghazal


wahi sahil wahi manjdhaar mujhko


vahī sāhil vahī mañjdhār mujh ko
banāyā us ne khevan-hār mujh ko

zabāñ kī dhaar se dekhā milā kar
lagī kuchh tez kam talvār mujh ko

biThā rakkhā mujhe saa.e meñ jis ne
girānī thī vahī dīvār mujh ko

jinheñ hai naaz apne fāsloñ par
pakaḌne deñ zarā raftār mujh ko

kabhī hotī na phir laḌne kī himmat
milī ab tak na aisī haar mujh ko

kisī ne bhej kar kāġhaz kī kashtī
bulāyā hai samundar paar mujh ko

kabhī Duubī na terī naav 'rāhī'
sikhāyā tairnā be-kār mujh ko

wahi sahil wahi manjdhaar mujh ko
banaya us ne khewan-haar mujh ko

zaban ki dhaar se dekha mila kar
lagi kuchh tez kam talwar mujh ko

biTha rakkha mujhe sae mein jis ne
girani thi wahi diwar mujh ko

jinhen hai naz apne faslon par
pakaDne den zara raftar mujh ko

kabhi hoti na phir laDne ki himmat
mili ab tak na aisi haar mujh ko

kisi ne bhej kar kaghaz ki kashti
bulaya hai samundar par mujh ko

kabhi Dubi na teri naw 'rahi'
sikhaya tairna be-kar mujh ko


Source: Book : Jadeed Shora-e-Urdu (Pg. 523) Author : Dr. Abdul Wahid Publication : Feroz sons Printers Publishers and Stationers

Leave a comment

+