Subscribe to our newsletter and get our newest updates

Dattatriya Kaifi

  • Ghazal


ishq hi ishq ho aashiq ho na mashuq jahan


ishq hī ishq ho āshiq ho na ma.ashūq jahāñ
aisī ik dargah-e-tauhīd-ma.āb aur bhī hai

hosh se kaaT ye din zinda-dilī se rakh kaam
sheb ke ba.ad mirī jān-e-shabāb aur bhī hai

yaar mai-ḳhāne agar kar ga.e ḳhālī ġham kyā
ab bhī abr aatā hai aur ḳhum meñ sharāb aur bhī hai

ghar kiyā 'ġhālib'-o-'momin' ne jahāñ āñkhoñ meñ
isī bastī meñ koī ḳhāna-ḳharāb aur bhī hai

ishq hi ishq ho aashiq ho na mashuq jahan
aisi ek dargah-e-tauhid-maab aur bhi hai

hosh se kaT ye din zinda-dili se rakh kaam
sheb ke baad meri jaan-e-shabab aur bhi hai

yar mai-KHane agar kar gae KHali gham kya
ab bhi abr aata hai aur KHum mein sharab aur bhi hai

ghar kiya 'ghaalib'-o-'momin' ne jahan aankhon mein
isi basti mein koi KHana-KHarab aur bhi hai


Leave a comment

+