Subscribe to our newsletter and get our newest updates

Hafeez Jaunpuri

  • Ghazal


na aa jae kisi par dil kisi ka


na aa jaa.e kisī par dil kisī kā
na ho yārab koī maa.il kisī kā

lagā ik haath bhī kyā dekhtā hai
kahīñ karte haiñ Dar qātil kisī kā

adā se us ne do bāteñ banā kar
kisī kī jaan le lī dil kisī kā

uThā jab dard-e-pahlū dil pukārā
nahīñ koī dam-e-mushkil kisī kā

abhī jiinā paḌā kuchh din hameñ aur
Talā phir vāda-e-bātil kisī kā

bahut āhista chilman ko uThānā
mileñ āñkheñ ki baiThā dil kisī kā

'hafīz' is tarah bharte ho jo aaheñ
dukhāoge magar tum dil kisī kā

na aa jae kisi par dil kisi ka
na ho yarab koi mail kisi ka

laga ek hath bhi kya dekhta hai
kahin karte hain Dar qatil kisi ka

ada se us ne do baaten bana kar
kisi ki jaan le li dil kisi ka

uTha jab dard-e-pahlu dil pukara
nahin koi dam-e-mushkil kisi ka

abhi jina paDa kuchh din hamein aur
Tala phir wada-e-baatil kisi ka

bahut aahista chilman ko uThana
milen aankhen ki baiTha dil kisi ka

'hafiz' is tarah bharte ho jo aahen
dukhaoge magar tum dil kisi ka


Leave a comment

+