Subscribe to our newsletter and get our newest updates

Ikram Azam

  • Ghazal


pahle to aati thin iden bhi tumhaare aae


pahle to aatī thiiñ ii.deñ bhī tumhāre aa.e
ḳhairiyat ab ke tum aa.e to akele aa.e

terī be-sāḳhta hairānī kahāñ hai ai dost
ham to ātish kahīñ īñdhan ke evaz de aa.e

ab to rahzan hī koī roke to mālūm paḌe
rahnumā kaise ujāḌoñ meñ hameñ le aa.e

ham to yak-rañg ujāle se hī mas.hūr rahe
raushnī tujh meñ ye sat-rañg kahāñ se aa.e

ham ne bechī thiiñ jahāñ nīndeñ usī manDī se
terī āñkhoñ ke liye ḳhvāb suhāne aa.e

pahle to aati thin iden bhi tumhaare aae
KHairiyat ab ke tum aae to akele aae

teri be-saKHta hairani kahan hai ai dost
hum to aatish kahin indhan ke ewaz de aae

ab to rahzan hi koi roke to malum paDe
rahnuma kaise ujaDon mein hamein le aae

hum to yak-rang ujale se hi mashur rahe
raushni tujh mein ye sat-rang kahan se aae

hum ne bechi thin jahan ninden usi manDi se
teri aankhon ke liye KHwab suhane aae


Leave a comment

+