Subscribe to our newsletter and get our newest updates

Zaheer Ahmad Zaheer

  • Ghazal

ghurur-o-naz-o-takabbur ke din to kab ke gae


ġhurūr-o-nāz-o-takabbur ke din to kab ke ga.e
zahīr ab vo zamāne hasab-nasab ke ga.e

bahut ġhurūr gulistāñ meñ thā gulāboñ ko
tumheñ jo dekhā to hosh-o-havās sab ke ga.e

machā hai shor ḳhizāñ kā hai ruḳh usī jānib
agar ye sach hai to samjho ki ham bhī ab ke ga.e

ḳhulūs se na sahī rasm hī nibhāne ko
tum aa ga.e ho to shikve tamām lab ke ga.e

vo chāñdnī vo tabassum vo pyaar kī bāteñ
huī sahar to vo manzar tamām shab ke ga.e

kabhī to halqa-e-zanjīr-e-yās bhī TuuTe
kabhī to lauT ke aa.eñ vo lamhe jab ke ga.e

ghurur-o-naz-o-takabbur ke din to kab ke gae
zahir ab wo zamane hasab-nasab ke gae

bahut ghurur gulistan mein tha gulabon ko
tumhein jo dekha to hosh-o-hawas sab ke gae

macha hai shor KHizan ka hai ruKH usi jaanib
agar ye sach hai to samjho ki hum bhi ab ke gae

KHulus se na sahi rasm hi nibhane ko
tum aa gae ho to shikwe tamam lab ke gae

wo chandni wo tabassum wo pyar ki baaten
hui sahar to wo manzar tamam shab ke gae

kabhi to halqa-e-zanjir-e-yas bhi TuTe
kabhi to lauT ke aaen wo lamhe jab ke gae


Leave a comment

+