Subscribe to our newsletter and get our newest updates

Kamran Nadeem

  • Ghazal


phir chhalakta hai jam wahshat ka


phir chhalaktā hai jaam vahshat kā
shāh-e-ḳhūbāñ salām vahshat kā

ek chashm-e-ġhazāl kartī hai
chār-sū ehtimām vahshat kā

vo girāñ-gosh ho hama-tan-gosh
to sunā.ūñ kalām vahshat kā

chaak hai ab tirā garebāñ bhī
dekh le intiqām vahshat kā

mauj-e-hairat safar meñ rakhtī hai
DhūñDhtā huuñ qayām vahshat kā

aaj to bāġhbāñ ne gulshan meñ
ik bichhāyā hai daam vahshat kā

ik taraf mauja-e-sukūñ hai 'nadīm'
ik jānib ḳhirām vahshat kā

phir chhalakta hai jam wahshat ka
shah-e-KHuban salam wahshat ka

ek chashm-e-ghazal karti hai
chaar-su ehtimam wahshat ka

wo giran-gosh ho hama-tan-gosh
to sunaun kalam wahshat ka

chaak hai ab tera gareban bhi
dekh le intiqam wahshat ka

mauj-e-hairat safar mein rakhti hai
DhunDhta hun qayam wahshat ka

aaj to baghban ne gulshan mein
ek bichhaya hai dam wahshat ka

ek taraf mauja-e-sukun hai 'nadim'
ek jaanib KHiram wahshat ka


Source: Shab Khoon(Shumara Number-073)

Leave a comment

+