Subscribe to our newsletter and get our newest updates

Jahangeer Imran

  • Ghazal


naya labaada purani nishaniyan na gain


nayā labāda purānī nishāniyāñ na ga.iiñ
faqīh-e-shahr kī resha-davāniyāñ na ga.iiñ

saroñ pe taaj na un ke ġhulām gardish meñ
magar dimāġh se kyuuñ rājdhāniyāñ na ga.iiñ

bahut kashīd kiyā pāniyoñ ko sūraj ne
samundaroñ kī magar be-karāniyāñ na ga.iiñ

fareb khāne ke bā-vasf bhī kisī lamhe
dil-e-tabāh tirī ḳhush-gumāniyāñ na ga.iiñ

tumhārī or se kyā mutma.in nahīñ the ham
tumhārī or se kyuuñ bad-gumāniyāñ na ga.iiñ

naya labaada purani nishaniyan na gain
faqih-e-shahr ki resha-dawaniyan na gain

saron pe taj na un ke ghulam gardish mein
magar dimagh se kyun rajdhaniyan na gain

bahut kashid kiya paniyon ko suraj ne
samundaron ki magar be-karaniyan na gain

fareb khane ke ba-wasf bhi kisi lamhe
dil-e-tabah teri KHush-gumaniyan na gain

tumhaari or se kya mutmain nahin the hum
tumhaari or se kyun bad-gumaniyan na gain


Leave a comment

+