Subscribe to our newsletter and get our newest updates

Mahboob Khizan

  • Ghazal


har baat yahan baat baDhane ke liye hai


har baat yahāñ baat baḌhāne ke liye hai
ye umr jo dhokā hai to khāne ke liye hai

ye dāman-e-hasrat hai vahī ḳhvāb-e-gurezāñ
jo apne liye hai na zamāne ke liye hai

utre hue chehre meñ shikāyat hai kisī kī
rūThī huī rañgat hai manāne ke liye hai

ġhāfil tirī āñkhoñ kā muqaddar hai añdherā
ye farsh to rāhoñ meñ bichhāne ke liye hai

ghabrā na sitam se na karam se na adā se
har moḌ yahāñ raah dikhāne ke liye hai

har baat yahan baat baDhane ke liye hai
ye umr jo dhoka hai to khane ke liye hai

ye daman-e-hasrat hai wahi KHwab-e-gurezan
jo apne liye hai na zamane ke liye hai

utre hue chehre mein shikayat hai kisi ki
ruThi hui rangat hai manane ke liye hai

ghafil teri aankhon ka muqaddar hai andhera
ye farsh to rahon mein bichhane ke liye hai

ghabra na sitam se na karam se na ada se
har moD yahan rah dikhane ke liye hai


Source: Book : Kulliyat-e-Yagana (Pg. 228) Author : Meerza Yagana Changezi Lukhnawi Publication : Farib Book Depot (P) Ltd. (2005) Edition : 2005

Leave a comment

+