Subscribe to our newsletter and get our newest updates

Habib Jalib

  • Ghazal


kabhi to mehrban ho kar bula len


kabhī to mehrbāñ ho kar bulā leñ
ye mahvash ham faqīroñ kī duā leñ

na jaane phir ye rut aa.e na aa.e
javāñ phūloñ kī kuchh ḳhushbū churā leñ

bahut ro.e zamāne ke liye ham
zarā apne liye aañsū bahā leñ

ham un ko bhūlne vaale nahīñ haiñ
samajhte haiñ ġham-e-daurāñ kī chāleñ

hamārī bhī sambhal jā.egī hālat
vo pahle apnī zulfeñ to sambhāleñ

nikalne ko hai vo mahtāb ghar se
sitāroñ se kaho nazreñ jhukā leñ

ham apne rāste par chal rahe haiñ
janāb-e-shaiḳh apnā rāsta leñ

zamāna to yūñhī rūThā rahegā
chalo 'jālib' unheñ chal kar manā leñ

kabhi to mehrban ho kar bula len
ye mahwash hum faqiron ki dua len

na jaane phir ye rut aae na aae
jawan phulon ki kuchh KHushbu chura len

bahut roe zamane ke liye hum
zara apne liye aansu baha len

hum un ko bhulne wale nahin hain
samajhte hain gham-e-dauran ki chaalen

hamari bhi sambhal jaegi haalat
wo pahle apni zulfen to sambhaalen

nikalne ko hai wo mahtab ghar se
sitaron se kaho nazren jhuka len

hum apne raste par chal rahe hain
janab-e-shaiKH apna rasta len

zamana to yunhi ruTha rahega
chalo 'jalib' unhen chal kar mana len


Leave a comment

+