ḳhvāboñ ke mahal TuuT ke gir jaate haiñ akasr
phir un se hī din apne sañvar jaate haiñ akasr

ai bād-e-sabā un ko ye paiġhām mirā de
kyuuñ chhup ke mirī rah se guzar jaate haiñ akasr

duniyā meñ har ik shai hai faqat terī kamī hai
naqshe tirī yādoñ ke ubhar jaate haiñ akasr

vo naaz uThāne ke to qaa.el hī nahīñ haiñ
phir ham bhī ḳhafā ho ke biphar jaate haiñ akasr

'kausar' tire mai-ḳhāne meñ sāġhar na subū hai
phir kyuuñ yahāñ mai-nosh Thahar jaate haiñ akasr

KHwabon ke mahal TuT ke gir jate hain akasr
phir un se hi din apne sanwar jate hain akasr

ai baad-e-saba un ko ye paigham mera de
kyun chhup ke meri rah se guzar jate hain akasr

duniya mein har ek shai hai faqat teri kami hai
naqshe teri yaadon ke ubhar jate hain akasr

wo naz uThane ke to qael hi nahin hain
phir hum bhi KHafa ho ke biphar jate hain akasr

'kausar' tere mai-KHane mein saghar na subu hai
phir kyun yahan mai-nosh Thahar jate hain akasr