Subscribe to our newsletter and get our newest updates

Kaif Ahmed Siddiqui

  • Ghazal


ek sanp mujhko chum ke tiryaq de gaya


ik saañp mujh ko chuum ke tiryāq de gayā
lekin vo apne saath mirā zahr le gayā

akasr badan kī qaid se āzād ho ke bhī
apnā hī aks duur se maiñ dekhne gayā

duniyā kā har libās pahanñā paḌā use
ik shaḳhs jab nikal ke mire jism se gayā

aisī jagah ki maut bhī Dar jaa.e dekh kar
maiñ ḳhud ko zindagī se bahut duur le gayā

mahsūs ho rahā hai ki maiñ ḳhud safar meñ huuñ
jis din se rail par maiñ tujhe chhoḌne gayā

kitnī subuk sī aaj mire ghar kī shaam thī
maiñ filoñ kā bojh uThā.e hue gayā

ash.ār kā nuzūl hai ḳhālī dimāġh meñ
ai 'kaif' tū na jaane kahāñ chhoḌne gayā

ek sanp mujh ko chum ke tiryaq de gaya
lekin wo apne sath mera zahr le gaya

akasr badan ki qaid se aazad ho ke bhi
apna hi aks dur se main dekhne gaya

duniya ka har libas pahanna paDa use
ek shaKHs jab nikal ke mere jism se gaya

aisi jagah ki maut bhi Dar jae dekh kar
main KHud ko zindagi se bahut dur le gaya

mahsus ho raha hai ki main KHud safar mein hun
jis din se rail par main tujhe chhoDne gaya

kitni subuk si aaj mere ghar ki sham thi
main filon ka bojh uThae hue gaya

ashaar ka nuzul hai KHali dimagh mein
ai 'kaif' tu na jaane kahan chhoDne gaya


Source: Book : siip (Magzin) (Pg. 219) Author : Nasiim Durraani Publication : Fikr-e-Nau (39 (quarterly)) Edition : 1979

Leave a comment

+