Subscribe to our newsletter and get our newest updates

Jameela Khuda Bakhsh

  • Ghazal


sozish-e-shola-e-furqat se fana ho jaana


sozish-e-shola-e-furqat se fanā ho jaanā
maraz-e-ġham ke liye hai ye davā ho jaanā

sahl hai nāvak-e-mizhgāñ kā qazā ho jaanā
ġhamza-e-chashm kā āsāñ hai jafā ho jaanā

aarzū tujh se ye kahtā huuñ shab-e-furqat meñ
ḳhud duā honā kabhī dast-e-duā ho jaanā

sūrat-e-ḳhāk-e-gulistāñ meñ na rahnā ai dil
misl-e-bū dāman-e-gulshan se judā ho jaanā

daaġh ban kar to rahā dāman-e-qātil pe magar
bū-e-ḳhūñ bahr-e-ḳhudā bū-e-vafā ho jaanā

be-qarārī se to rāhat ho koī dam hāsil
jism se jān-e-hazīñ jald judā ho jaanā

shab-e-ġham dil se 'jamīla' ne yahī ro ke kahā
mil ke miTTī meñ to naqsh-e-kaf-e-pā ho jaanā

sozish-e-shola-e-furqat se fana ho jaana
maraz-e-gham ke liye hai ye dawa ho jaana

sahl hai nawak-e-mizhgan ka qaza ho jaana
ghamza-e-chashm ka aasan hai jafa ho jaana

aarzu tujh se ye kahta hun shab-e-furqat mein
KHud dua hona kabhi dast-e-dua ho jaana

surat-e-KHak-e-gulistan mein na rahna ai dil
misl-e-bu daman-e-gulshan se juda ho jaana

dagh ban kar to raha daman-e-qatil pe magar
bu-e-KHun bahr-e-KHuda bu-e-wafa ho jaana

be-qarari se to rahat ho koi dam hasil
jism se jaan-e-hazin jald juda ho jaana

shab-e-gham dil se 'jamila' ne yahi ro ke kaha
mil ke miTTi mein to naqsh-e-kaf-e-pa ho jaana


Source: Book : Kulliyat-e-Mahshar Badayuni (Pg. 206)

Leave a comment

+