Subscribe to our newsletter and get our newest updates

Fana Nizami Kanpuri

  • Ghazal


ai husn zamane ke tewar bhi to samjha kar


ai husn zamāne ke tevar bhī to samjhā kar
ab zulm se baaz aa jā ab jaur se tauba kar

TuuTe hue paimāne bekār sahī lekin
mai-ḳhāne se ai saaqī bāhar to na pheñkā kar

jalva ho to jalva ho parda ho to parda ho
tauhīn-e-tajallī hai chilman se na jhāñkā kar

arbāb-e-junūñ meñ haiñ kuchh ahl-e-ḳhirad shāmil
har ek musāfir se manzil ko na pūchhā kar

ai husn zamane ke tewar bhi to samjha kar
ab zulm se baz aa ja ab jaur se tauba kar

TuTe hue paimane bekar sahi lekin
mai-KHane se ai saqi bahar to na phenka kar

jalwa ho to jalwa ho parda ho to parda ho
tauhin-e-tajalli hai chilman se na jhanka kar

arbab-e-junun mein hain kuchh ahl-e-KHirad shamil
har ek musafir se manzil ko na puchha kar

RECITATIONS Nomaan Shauque



00:00/00:00 ai husn zamane ke tewar bhi to samjha kar Nomaan Shauque

Leave a comment

+