Subscribe to our newsletter and get our newest updates

Nadeem Sirsivi

  • Ghazal


mustaqil mahw-e-gham-e-ahd-e-guzishta hona


mustaqil mahv-e-ġham-e-ahd-e-guzishta honā
aise hone se to behtar hai na dil kā honā

maiñ huuñ insāñ mujhe insān hī rahne diije
mat sikhā.eñ mujhe har gaam farishta honā

dekhnī paḌtī haiñ har moḌ pe udhḌī lāsheñ
kitnā dushvār hai is shahar meñ biinā honā

ai musavvir zarā tasvīr meñ manzar ye utaar
do kināroñ ko hai dekhā gayā yakjā honā

haiñ farāham mujhe be-rāh-ravī ke asbāb
zeb degā mujhe āvāra-e-duniyā honā

bastiyāñ shahr-e-ḳhamoshāñ kī tarah haiñ ābād
zinda logoñ ko lubhāne lagā murda honā

ai parī-zād tire hijr meñ ye ham pe khulā
maut se ziyāda alam-baḳhsh hai tanhā honā

ḳhud hī gir jā.egī zindān-e-badan kī dīvār
rūh-e-afsurda ko bechain bhalā kyā honā

khā gayā raunaqeñ paivand-o-marāsim kī 'nadīm'
jins-e-iḳhlās kā bāzār meñ sastā honā

mustaqil mahw-e-gham-e-ahd-e-guzishta hona
aise hone se to behtar hai na dil ka hona

main hun insan mujhe insan hi rahne dije
mat sikhaen mujhe har gam farishta hona

dekhni paDti hain har moD pe udhDi lashen
kitna dushwar hai is shahar mein bina hona

ai musawwir zara taswir mein manzar ye utar
do kinaron ko hai dekha gaya yakja hona

hain faraham mujhe be-rah-rawi ke asbab
zeb dega mujhe aawara-e-duniya hona

bastiyan shahr-e-KHamoshan ki tarah hain aabaad
zinda logon ko lubhane laga murda hona

ai pari-zad tere hijr mein ye hum pe khula
maut se ziyaada alam-baKHsh hai tanha hona

KHud hi gir jaegi zindan-e-badan ki diwar
ruh-e-afsurda ko bechain bhala kya hona

kha gaya raunaqen paiwand-o-marasim ki 'nadim'
jins-e-iKHlas ka bazar mein sasta hona


Leave a comment

+