Subscribe to our newsletter and get our newest updates

Kaleem Aajiz

  • Ghazal


hum ko to be-sawal mile be-talab mile


ham ko to be-savāl mile be-talab mile
ham vo nahīñ haiñ saaqī ki jab māñgeñ tab mile

fariyād hī meñ ahd-e-bahārāñ guzar gayā
aise khule ki phir na kabhī lab se lab mile

ham ye samajh rahe the hamīñ bad-nasīb haiñ
dekhā to mai-kade meñ bahut tishna-lab mile

kis ne vafā kā ham ko vafā se diyā javāb
is rāste meñ lūTne vaale hī sab mile

milte haiñ sab kisī na kisī mudda.ā ke saath
armān hī rahā ki koī be-sabab mile

rakkhā kahāñ hai ishq ne 'ājiz' ko hosh meñ
mat chheḌiyo agar kahīñ vo be-adab mile

hum ko to be-sawal mile be-talab mile
hum wo nahin hain saqi ki jab mangen tab mile

fariyaad hi mein ahd-e-bahaaran guzar gaya
aise khule ki phir na kabhi lab se lab mile

hum ye samajh rahe the hamin bad-nasib hain
dekha to mai-kade mein bahut tishna-lab mile

kis ne wafa ka hum ko wafa se diya jawab
is raste mein luTne wale hi sab mile

milte hain sab kisi na kisi muddaa ke sath
arman hi raha ki koi be-sabab mile

rakkha kahan hai ishq ne 'ajiz' ko hosh mein
mat chheDiyo agar kahin wo be-adab mile


Leave a comment

+