Subscribe to our newsletter and get our newest updates

Ezaz Afzal

  • Ghazal


dars-e-aram mere zauq-e-safar ne na diya


dars-e-ārām mere zauq-e-safar ne na diyā
mujh ko manzil pe bhī zālim ne Thaharne na diyā

raqs kartī rahī tūfān meñ kashtī merī
merī himmat ne mujhe paar utarne na diyā

zindagī maut se bad-tar thī par ai va.ada-e-dost
lazzat-e-kashmakash-e-shauq ne marne na diyā

multafit kal nazar aatī thiiñ nigāheñ un kī
kahīñ dhokā to mujhe merī nazar ne na diyā

yuuñ to rahne ko pareshānī-e-ḳhātir hī rahī
terī zulfoñ ko magar maiñ ne bikharne na diyā

phuul to phuul the ai ḳhāna-bar-andāz-e-chaman
tū ne kāñToñ se bhī dāman mujhe bharne na diyā

inhīñ alfāz meñ hai merī kahānī 'afzal'
ġham ne jiine na diyā shauq ne marne na diyā

dars-e-aram mere zauq-e-safar ne na diya
mujh ko manzil pe bhi zalim ne Thaharne na diya

raqs karti rahi tufan mein kashti meri
meri himmat ne mujhe par utarne na diya

zindagi maut se bad-tar thi par ai wada-e-dost
lazzat-e-kashmakash-e-shauq ne marne na diya

multafit kal nazar aati thin nigahen un ki
kahin dhoka to mujhe meri nazar ne na diya

yun to rahne ko pareshani-e-KHatir hi rahi
teri zulfon ko magar main ne bikharne na diya

phul to phul the ai KHana-bar-andaz-e-chaman
tu ne kanTon se bhi daman mujhe bharne na diya

inhin alfaz mein hai meri kahani 'afzal'
gham ne jine na diya shauq ne marne na diya


Leave a comment

+