Subscribe to our newsletter and get our newest updates

Mah Laqa Chanda

  • Ghazal


rakhte hain mere ashk se ye dida-e-tar faiz


rakhte haiñ mere ashk se ye dīda-e-tar faiz
dāman meñ liyā apne hai dariyā ne guhar faiz

pur-nūr ajab kyā hai kare mujh ko karam se
rakhtī hai do aalam pe tirī ek nazar faiz

ik jaam pe baḳhshe hai yahāñ rutba jism ko
kis kī nigah-e-mast se rakhtā hai ḳhumar faiz

mahrūm nahīñ koī tire ḳhvān-e-karam se
hai hasr ḳhudā.ī kā hī tujh pe magar faiz

'chandā' rahe partav se tire yā alī raushan
ḳhurshīd ko hai dar se tire shām-o-sahar faiz

rakhte hain mere ashk se ye dida-e-tar faiz
daman mein liya apne hai dariya ne guhar faiz

pur-nur ajab kya hai kare mujh ko karam se
rakhti hai do aalam pe teri ek nazar faiz

ek jam pe baKHshe hai yahan rutba jism ko
kis ki nigah-e-mast se rakhta hai KHumar faiz

mahrum nahin koi tere KHwan-e-karam se
hai hasr KHudai ka hi tujh pe magar faiz

'chanda' rahe partaw se tere ya ali raushan
KHurshid ko hai dar se tere sham-o-sahar faiz


Pachas Sala Intekhab"

Leave a comment

+