Subscribe to our newsletter and get our newest updates

Dr. Azam

  • Ghazal


jhurriyon ki qatar dekho to


jhurriyoñ kī qatār dekho to
umr se apnī haar dekho to

huuk be-iḳhtiyār uThtī hai
apne jab iḳhtiyār dekho to

jhiil kahte ho tum jin āñkhoñ ko
un meñ haiñ ābshār dekho to

jaane kyā kyā nazar vo aatā hai
jab use baar baar dekho to

ġhair-mumkin hai ittihād miyāñ
qaum meñ intishār dekho to

vasl se aap hī gurezāñ hoñ
lazzat-e-intizār dekho to

do hī misroñ meñ hai mukammal nazm
vus.at-e-iḳhtiyār dekho to

jhurriyon ki qatar dekho to
umr se apni haar dekho to

huk be-iKHtiyar uThti hai
apne jab iKHtiyar dekho to

jhil kahte ho tum jin aankhon ko
un mein hain aabshaar dekho to

jaane kya kya nazar wo aata hai
jab use bar bar dekho to

ghair-mumkin hai ittihad miyan
qaum mein intishaar dekho to

wasl se aap hi gurezan hon
lazzat-e-intizar dekho to

do hi misron mein hai mukammal nazm
wusat-e-iKHtiyar dekho to


Source: Book : Sharar-e-sang (Pg. 114) Author : Zafar Ansari Zafar Publication : Educational Publishing House (2015) Edition : 2015

Leave a comment

+