Subscribe to our newsletter and get our newest updates

Ejazulhaq Shahab

  • Ghazal


badan ki qabr mein KHwabon ki lash hai main hun


badan kī qabr meñ ḳhvāboñ kī laash hai maiñ huuñ
qadam qadam pe hī fikr-e-ma.āsh hai maiñ huuñ

zamāne bhar meñ to ye raaz faash hai maiñ huuñ
magar mujhe to mirī hī talāsh hai maiñ huuñ

har ek zarb na.e tajarbe ukere hai
hayāt hai ki koī sañg-tarāsh hai maiñ huuñ

lageñgī boliyāñ jannat kī ab sar-e-bāzār
bikegī ḳhuld-e-barīñ uf vināsh hai maiñ huuñ

jo vaqt maazī meñ guzrā hai kaash ruk jaatā
laboñ pe aaj faqat lafz-e-kāsh hai maiñ huuñ

har ik qadam pe na.ī hasrateñ panaptī haiñ
na jaane kaisā ye ik moh-pāsh hai maiñ huuñ

kyuuñ lamha lamha hī baḌhtī hī jā rahī hai 'shahāb'
ye guzre vaqt kī kaisī ḳharāsh hai maiñ huuñ

badan ki qabr mein KHwabon ki lash hai main hun
qadam qadam pe hi fikr-e-maash hai main hun

zamane bhar mein to ye raaz fash hai main hun
magar mujhe to meri hi talash hai main hun

har ek zarb nae tajarbe ukere hai
hayat hai ki koi sang-tarash hai main hun

lagengi boliyan jannat ki ab sar-e-bazar
bikegi KHuld-e-barin uf winash hai main hun

jo waqt mazi mein guzra hai kash ruk jata
labon pe aaj faqat lafz-e-kash hai main hun

har ek qadam pe nai hasraten panapti hain
na jaane kaisa ye ek moh-pash hai main hun

kyun lamha lamha hi baDhti hi ja rahi hai 'shahab'
ye guzre waqt ki kaisi KHarash hai main hun


Leave a comment

+