Subscribe to our newsletter and get our newest updates

Taleef Haidar

  • Ghazal


dard-amez hai kuchh yun meri KHamoshi bhi


dard-āmez hai kuchh yuuñ mirī ḳhāmoshī bhī
raas aatī nahīñ mujh ko ye ḳhirad-poshī bhī

kaisī hairat hai ki ik maiñ hī na behosh rahā
kyā ta.ajjub hai ki chhātī nahīñ madhoshī bhī

yaad kā kaun sā aalam hai ki maiñ martā huuñ
aur zinda hai mirā ḳhvāb-e-farāmoshī bhī

kis kī ā.ankhoñ kā nasha hai ki mire hoñToñ ko
is qadar tar nahīñ kar saktī balā-noshī bhī

maiñ kināra bhī karūñ ḳhud se to mumkin hai kahāñ
ki na ho tere ta.alluq se ham-āġhoshī bhī

dard-amez hai kuchh yun meri KHamoshi bhi
ras aati nahin mujh ko ye KHirad-poshi bhi

kaisi hairat hai ki ek main hi na behosh raha
kya tajjub hai ki chhati nahin madhoshi bhi

yaad ka kaun sa aalam hai ki main marta hun
aur zinda hai mera KHwab-e-faramoshi bhi

kis ki aaankhon ka nasha hai ki mere honTon ko
is qadar tar nahin kar sakti bala-noshi bhi

main kinara bhi karun KHud se to mumkin hai kahan
ki na ho tere talluq se ham-aghoshi bhi

Videos
This video is playing from YouTube Videos
This video is playing from YouTube Taleef Haidar RECITATIONS Taleef Haidar



00:00/00:00 dard-amez hai kuchh yun meri KHamoshi bhi Taleef Haidar

Source: Book : Urdu Adab (Pg. 39) Author : Iqbal Hussain Publication : Iqbal Hussain Publishers (Jan, Feb. Mar 1996) Edition : Jan, Feb. Mar 1996

Leave a comment

+