Subscribe to our newsletter and get our newest updates

Nadeem Bhabha

  • Ghazal


safar ki dhul ko chehre se saf karta raha


safar kī dhuul ko chehre se saaf kartā rahā
maiñ us galī kā musalsal tavāf kartā rahā

ye merī aañkh kī masjid hai paañv dhyān se rakh
ki is meñ ḳhvāb koī etakāf kartā rahā

maiñ ḳhud se pesh bhī aayā to intihā kar dī
mujh aise shaḳhs ko bhī vo muaaf kartā rahā

aur ab khulā ki vo ka.aba nahīñ tirā ghar thā
tamām umr maiñ jis kā tavāf kartā rahā

maiñ lau maiñ lau huuñ alaav maiñ huuñ alaav 'nadīm'
so har charāġh mirā e'tirāf kartā rahā

safar ki dhul ko chehre se saf karta raha
main us gali ka musalsal tawaf karta raha

ye meri aankh ki masjid hai panw dhyan se rakh
ki is mein KHwab koi etakaf karta raha

main KHud se pesh bhi aaya to intiha kar di
mujh aise shaKHs ko bhi wo muaf karta raha

aur ab khula ki wo kaba nahin tera ghar tha
tamam umr main jis ka tawaf karta raha

main lau main lau hun alaw main hun alaw 'nadim'
so har charagh mera e'tiraf karta raha


Leave a comment

+