Subscribe to our newsletter and get our newest updates

Imdad Imam Asar

  • Ghazal


yunhi uljhi rahne do kyun aafat sar par late ho


yūñhī uljhī rahne do kyuuñ aafat sar par laate ho
dil kī uljhan baḌhtī hai jab zulfoñ ko suljhāte ho

chhup chhup kar tum raat ko sāhib ġhairoñ ke ghar jaate ho
kaisī hai ye baat kaho to kyūñ-kar muñh dikhlāte ho

sunte ho kab baat kisī kī apnī haT par rahte ho
hazrat-e-dil tum apne kiye par āḳhir ko pachhtāte ho

muddat par to aa.e ho ham dekh leñ tum ko jī bhar ke
aa.e ho to Thahro sāhib roz yahāñ kyā aate ho

kaisā aanā kaisā jaanā mere ghar kyā aaoge
ġhairoñ ke ghar jaane se tum fursat kis din paate ho

āñkheñ jhapkī jaatī haiñ matvālī kī sī sūrat hai
jaage kis kī sohbat meñ jo niiñd ke itne maate ho

dil se 'asar' kyā kahte ho hai jaan kā saudā ishq-e-butāñ
tum bhī to dīvāne ho dīvāne ko samjhāte ho

yunhi uljhi rahne do kyun aafat sar par late ho
dil ki uljhan baDhti hai jab zulfon ko suljhate ho

chhup chhup kar tum raat ko sahib ghairon ke ghar jate ho
kaisi hai ye baat kaho to kyun-kar munh dikhlate ho

sunte ho kab baat kisi ki apni haT par rahte ho
hazrat-e-dil tum apne kiye par aaKHir ko pachhtate ho

muddat par to aae ho hum dekh len tum ko ji bhar ke
aae ho to Thahro sahib roz yahan kya aate ho

kaisa aana kaisa jaana mere ghar kya aaoge
ghairon ke ghar jaane se tum fursat kis din pate ho

aankhen jhapki jati hain matwali ki si surat hai
jage kis ki sohbat mein jo nind ke itne mate ho

dil se 'asar' kya kahte ho hai jaan ka sauda ishq-e-butan
tum bhi to diwane ho diwane ko samjhate ho


Source: Funoon(Jadeed Ghazal Number: Volume-002)

Leave a comment

+