Subscribe to our newsletter and get our newest updates

Imdad Ali Bahr

  • Ghazal


aashna koi ba-wafa na mila


āshnā koī bā-vafā na milā
kashti-e-dil kā nāḳhudā na milā

jā-e-marham namak chhīḌaknā thā
zaḳhm khāne kā kuchh mazā na milā

us ke kūche meñ aise bhūle ham
ghar ke jaane kā rāsta na milā

dil diyā jis ko rañj hai paayā
koī dildār bā-vafā na milā

zindagī talḳh ho ga.ī apnī
tujh se milne kā kuchh mazā na milā

dekh lī ham ne dostī terī
ham se ab aañkh bevafā na milā

kuchh ijāra nahīñ bane na bane
kyā shikāyat hai dil milā na milā

āsmāñ par dimāġh-e-yār rahā
kabhī jhuk kar vo mah-laqā na milā

bosa-e-lab kī tum se kyā ummīd
ek biiḌā bhī paan kā na milā

DhūñDhtī haiñ kunisht meñ jā kar
shaiḳh ka.abe meñ to ḳhudā na milā

ek ik ko pilā.e do do jaam
dard bhī ham ko sāqiyā na milā

naqal kab asl kī muqābil hai
us ke chehre se aa banā na milā

nazar aa.ī jo vo dahan to kahūñ
mujh ko anqā kā āshiyāna milā

jin ko takiya thā apnī masnad par
un ko dekhā ki boriyā na milā

'bahr' nikle the DhūñDhne us ko
aise kho.e ga.e patā na milā

aashna koi ba-wafa na mila
kashti-e-dil ka naKHuda na mila

ja-e-marham namak chhiDakna tha
zaKHm khane ka kuchh maza na mila

us ke kuche mein aise bhule hum
ghar ke jaane ka rasta na mila

dil diya jis ko ranj hai paya
koi dildar ba-wafa na mila

zindagi talKH ho gai apni
tujh se milne ka kuchh maza na mila

dekh li hum ne dosti teri
hum se ab aankh bewafa na mila

kuchh ijara nahin bane na bane
kya shikayat hai dil mila na mila

aasman par dimagh-e-yar raha
kabhi jhuk kar wo mah-laqa na mila

bosa-e-lab ki tum se kya ummid
ek biDa bhi pan ka na mila

DhunDhti hain kunisht mein ja kar
shaiKH kabe mein to KHuda na mila

ek ek ko pilae do do jam
dard bhi hum ko saqiya na mila

naqal kab asl ki muqabil hai
us ke chehre se aa bana na mila

nazar aai jo wo dahan to kahun
mujh ko anqa ka aashiyana mila

jin ko takiya tha apni masnad par
un ko dekha ki boriya na mila

'bahr' nikle the DhunDhne us ko
aise khoe gae pata na mila


Source: Book : Intekhab-e-Sukhan(Jild-2) (Pg. 260) Author : Hasrat Mohani Publication : uttar pradesh urdu academy (1983) Edition : 1983

Leave a comment

+