Subscribe to our newsletter and get our newest updates

Waheedul Hasan Hashmi

  • Ghazal


fareb-e-rah-e-mohabbat ka aasra bhi nahin


fareb-e-rāh-e-mohabbat kā aasrā bhī nahīñ
maiñ jā rahā huuñ magar koī rāstā bhī nahīñ

har ek kahtā hai rāh-e-vafā hai nā-hamvār
magar ḳhulūs se ik aadmī chalā bhī nahīñ

kisī ke ek ishāre pe do-jahāñ raqsāñ
mire liye mirī zanjīr kī sadā bhī nahīñ

ajiib turfagī-e-shauq hai ki sū-e-adam
ga.ī hai ḳhalq magar koī naqsh-e-pā bhī nahīñ

ye Thiik hai ki vafā se nahīñ lagāv use
magar sitam to yahī hai ki bevafā bhī nahīñ

koī maqām ho ik aasrā to hotā hai
vo yuuñ badal ga.e jaise mirā ḳhudā bhī nahīñ

fareb-e-rah-e-mohabbat ka aasra bhi nahin
main ja raha hun magar koi rasta bhi nahin

har ek kahta hai rah-e-wafa hai na-hamwar
magar KHulus se ek aadmi chala bhi nahin

kisi ke ek ishaare pe do-jahan raqsan
mere liye meri zanjir ki sada bhi nahin

ajib turfagi-e-shauq hai ki su-e-adam
gai hai KHalq magar koi naqsh-e-pa bhi nahin

ye Thik hai ki wafa se nahin lagaw use
magar sitam to yahi hai ki bewafa bhi nahin

koi maqam ho ek aasra to hota hai
wo yun badal gae jaise mera KHuda bhi nahin


Source: Book : Aqleem (Pg. 53) Author : Jafar Baloch Publication : Maktaba aalia, Urdu Bazar Lahore (1986) Edition : 1986

Leave a comment

+