Subscribe to our newsletter and get our newest updates

Jafar Shirazi

  • Ghazal


aks ja-ba-ja apni zat ke giraata hai


aks jā-ba-jā apnī zaat ke girātā hai
kaun āsmānoñ se aa.ine girātā hai

maiñ ne ruup dhārā hai us kī ruuh kā aur vo
mere naqsh hī mere sāmne girātā hai

umr bhar uThā.egā dukh mire bikharne kā
aañkh kī bulandī se kyuuñ mujhe girātā hai

sho.ala-e-mohabbat aur āb-e-ashk ai nādāñ
raushnī ko dariyā meñ kis liye girātā hai

vo havā kā jhoñkā bhī merā saḳht dushman hai
shāḳh se jo patte ko zor se girātā hai

jazb kar na le 'ja.afar' soch lahr kī tujh ko
tū kahāñ samundar meñ kañkare girātā hai

aks ja-ba-ja apni zat ke giraata hai
kaun aasmanon se aaine giraata hai

main ne rup dhaara hai us ki ruh ka aur wo
mere naqsh hi mere samne giraata hai

umr bhar uThaega dukh mere bikharne ka
aankh ki bulandi se kyun mujhe giraata hai

shoala-e-mohabbat aur aab-e-ashk ai nadan
raushni ko dariya mein kis liye giraata hai

wo hawa ka jhonka bhi mera saKHt dushman hai
shaKH se jo patte ko zor se giraata hai

jazb kar na le 'jafar' soch lahr ki tujh ko
tu kahan samundar mein kankare giraata hai


Source: Rooh-e-Ghazal,Pachas Sala Intekhab

Leave a comment

+