Subscribe to our newsletter and get our newest updates

Wali Mohammad Wali

  • Ghazal


shaghl behtar hai ishq-bazi ka


shaġhl behtar hai ishq-bāzī kā
kyā haqīqī o kyā majāzī kā

har zabāñ par hai misl-e-shāna mudām
zikr tujh zulf kī darāzī kā

aaj terī bhavāñ ne masjid meñ
hosh khoyā hai har namāzī kā

gar na.iiñ rāz-e-ishq suuñ āgāh
faḳhr bejā hai faḳhr-e-rāzī kā

ai 'valī' sarv-qad ko dekhūñgā
vaqt aayā hai sarfarāzī kā

shaghl behtar hai ishq-bazi ka
kya haqiqi o kya majazi ka

har zaban par hai misl-e-shana mudam
zikr tujh zulf ki daraazi ka

aaj teri bhawan ne masjid mein
hosh khoya hai har namazi ka

gar nain raaz-e-ishq sun aagah
faKHr beja hai faKHr-e-raazi ka

ai 'wali' sarw-qad ko dekhunga
waqt aaya hai sarfaraazi ka


Source: Book : Mujalla Dastavez (Pg. 188) Author : Aziz Nabeel Publication : Edarah Dastavez (2010) Edition : 2010

Leave a comment

+