manzil hai to ik rasta-e-dushvār meñ gum hai
rasta hai to pech-o-ḳham-e-dildār meñ gum hai

jis diin se miltā thā ḳhudā ḳhāna-e-dil meñ
mullā ke sajā.e hue bāzār meñ gum hai

ajzā-e-safar varta-e-hairat meñ paḌe haiñ
raftār abhī sāhib-e-raftār meñ gum hai

saa.il haiñ ki umDe hī chale aate haiñ paiham
vo shoḳh magar apne hī dīdār meñ gum hai

vo husn-e-yagāna hai koī shahr-e-tilismāt
har shaḳhs jahāñ rastoñ ke asrār meñ gum hai

ashḳhās ke jañgal meñ khaḌā soch rahā huuñ
ik naḳhl-e-tamannā unhī ashjār meñ gum hai

yā husn hai nā-vāqif-e-pindār-e-mohabbat
yā ishq hī āsānī-e-atvār meñ gum hai

ai kaash samajhtā koī pas-manzar-e-paiġhām
duniyā hai ki pairāya-e-iz.hār meñ gum hai

manzil hai to ek rasta-e-dushwar mein gum hai
rasta hai to pech-o-KHam-e-dildar mein gum hai

jis din se milta tha KHuda KHana-e-dil mein
mulla ke sajae hue bazar mein gum hai

ajza-e-safar warta-e-hairat mein paDe hain
raftar abhi sahib-e-raftar mein gum hai

sail hain ki umDe hi chale aate hain paiham
wo shoKH magar apne hi didar mein gum hai

wo husn-e-yagana hai koi shahr-e-tilismat
har shaKHs jahan raston ke asrar mein gum hai

ashKHas ke jangal mein khaDa soch raha hun
ek naKHl-e-tamanna unhi ashjar mein gum hai

ya husn hai na-waqif-e-pindar-e-mohabbat
ya ishq hi aasani-e-atwar mein gum hai

ai kash samajhta koi pas-manzar-e-paigham
duniya hai ki pairaya-e-izhaar mein gum hai