ġhair ke ghar sahī vo aayā to
ġham hī mere liye vo laayā to

dushmanoñ ko muaaf kar Daalā
dostoñ se fareb khāyā to

peḌ ke ghoñsloñ kā kyā hogā
ghar use kaaT kar banāyā to

phir mire sāmne thī ik dīvār
ek dīvār ko girāyā to

kis qadar zor se huī bārish
maiñ ne kāġhaz kā ghar banāyā to

kyā karoge 'na.īm' sāl-e-nau
pesh-rau kī tarah hī aayā to

ghair ke ghar sahi wo aaya to
gham hi mere liye wo laya to

dushmanon ko muaf kar Dala
doston se fareb khaya to

peD ke ghonslon ka kya hoga
ghar use kaT kar banaya to

phir mere samne thi ek diwar
ek diwar ko giraya to

kis qadar zor se hui barish
main ne kaghaz ka ghar banaya to

kya karoge 'naim' sal-e-nau
pesh-rau ki tarah hi aaya to