Subscribe to our newsletter and get our newest updates

Wajid Ali Shah Akhtar

  • Ghazal


chaak chaak apna gareban na hua tha so hua


chaak chaak apnā garebāñ na huā thā so huā
vahshat-e-dil kā jo sāmāñ na huā thā so huā

yā ḳhudā dair meñ sāmāñ na huā thā so huā
kāfir-e-ishq musalmāñ na huā thā so huā

ruḳh-e-anvar se maiñ hairāñ na huā thā so huā
kabhī ai zulf pareshāñ na huā thā so huā

zulm-o-jaur ai shab-e-hijrāñ na huā thā so huā
ḳhāna-e-gor meñ mehmāñ na huā thā so huā

chashm-e-insāf se tūfāñ na huā thā so huā
dil-e-'aḳhtar' chamanistāñ na huā thā so huā

chaak chaak apna gareban na hua tha so hua
wahshat-e-dil ka jo saman na hua tha so hua

ya KHuda dair mein saman na hua tha so hua
kafir-e-ishq musalman na hua tha so hua

ruKH-e-anwar se main hairan na hua tha so hua
kabhi ai zulf pareshan na hua tha so hua

zulm-o-jaur ai shab-e-hijran na hua tha so hua
KHana-e-gor mein mehman na hua tha so hua

chashm-e-insaf se tufan na hua tha so hua
dil-e-'aKHtar' chamanistan na hua tha so hua


Leave a comment

+