Subscribe to our newsletter and get our newest updates

Hadis Salsal

  • Ghazal


gham-zada main bhi nahin aur ghamin tu bhi nahin


ġham-zada maiñ bhī nahīñ aur ġhamīñ tū bhī nahīñ
ab to pāband-e-vafā maiñ bhī nahīñ tū bhī nahīñ

maiñ bhī uftāda-e-andāza-e-tamannā-e-hayāt
ya.anī doshīza-e-firdaus-e-barīñ tū bhī nahīñ

ai shafaq-ḳhezī-e-ijmāl-e-sahar sad-afsos
aks-e-tārīkī-e-shab-hā-e-hazīñ tū bhī nahīñ

maiñ ki ham-zād-e-nashīnān-e-harīm-e-ḳhast
haa.e kāshāna-e-be-ḳhas kā makīñ tū bhī nahīñ

zīnat-e-sāya-e-dīvār-e-makāñ merā gumāñ
aur koī bhī nahīñ sāya-nashīñ tū bhī nahīñ

rūh-e-pazh-murda-e-taḳhayyul lab-o-mus.haf-e-nāz
is udāsī kā sabab mere ta.iiñ tū bhī nahīñ

fitrat-e-gardish-e-ālām-e-taġhayyur se varā
ḳhūgar-e-aish magar maiñ bhī nahīñ tū bhī nahīñ

gham-zada main bhi nahin aur ghamin tu bhi nahin
ab to paband-e-wafa main bhi nahin tu bhi nahin

main bhi uftada-e-andaza-e-tamanna-e-hayat
yani doshiza-e-firdaus-e-barin tu bhi nahin

ai shafaq-KHezi-e-ijmal-e-sahar sad-afsos
aks-e-tariki-e-shab-ha-e-hazin tu bhi nahin

main ki ham-zad-e-nashinan-e-harim-e-KHast
hae kashana-e-be-KHas ka makin tu bhi nahin

zinat-e-saya-e-diwar-e-makan mera guman
aur koi bhi nahin saya-nashin tu bhi nahin

ruh-e-pazh-murda-e-taKHayyul lab-o-mushaf-e-naz
is udasi ka sabab mere tain tu bhi nahin

fitrat-e-gardish-e-alam-e-taghayyur se wara
KHugar-e-aish magar main bhi nahin tu bhi nahin


Leave a comment

+